စးထီၣ်တဲသကိးတၢ်ဒီးပှၤဂၤ
တၢ်မၤလိ ၄
ပာ်ဖျါထီၣ် တၢ်ဆီၣ်လီၤသး
တၢ်ဂ့ၢ်လၢအရ့ဒိၣ် “လၢတၢ်ဆီၣ်လီၤသးအပူၤ ဆိကမိၣ်လၢ ပှၤဂၤတဖၣ် ဂ့ၤဒိၣ် န့ၢ်ဒံးသုတက့ၢ်.”—ဖံလံး ၂:၃.
စီၤပီလူးမၤဝဲဒ်လဲၣ်
၁. ကွၢ် တၢ်ဂီၤမူ ဒီး ဖး မၤတၢ် ၂၆:၂, ၃. ဝံၤဒီးတဲသကိး တၢ်သံကွၢ်လၢလာ်တဖၣ်အံၤ–
-
က. ဖဲစီၤပီလူး တဲတၢ်ဒီး စီၤပၤအကြံးပၤအခါ အပာ်ဖျါထီၣ် တၢ်ဆီၣ်လီၤသးဒ်လဲၣ်.
-
ခ. စီၤပီလူး တအဲၣ်ဒိးဝဲလၢ ပှၤကသးစၢၢ်ဆၢအီၤဘၣ်. ဒ်သိး ပှၤကသးစၢၢ်ဆၢ ယဟိဝၤယွၤ ဒီးအကလုၢ်ကထါအဂီၢ် စီၤပီလူး တဲဝဲဒ်လဲၣ်.—ကွၢ် မၤတၢ် ၂၆:၂၂.
ပမၤလိန့ၢ်တၢ်လၢ စီၤပီလူးအအိၣ်ဒ်လဲၣ်
၂. ပမ့ၢ်တဲတၢ်လၢ တၢ်ပာ်ကဲ ဒီးတၢ်ဆီၣ်လီၤသးန့ၣ် တၢ်လၢပတဲန့ၣ် ကထုးန့ၢ်ပှၤသးအါထီၣ်.
ကွၢ်လိမၤဒိး စီၤပီလူး
၃. ပာ်ဖျါထီၣ်တၢ်ပာ်ကဲ. တဘၣ်မၤသးဒ်သိး နသ့ၣ်ညါတၢ်ခဲလၢာ် ဒီးသ့ၣ်ညါတၢ်အါန့ၢ်ဒံးပှၤဂၤတဂ့ၤ. တဲတၢ်ဒီးပှၤဂၤလၢ တၢ်ပာ်ကဲအပူၤ.
၄. ပာ်ဖျါထီၣ် တၢ်လၢနတဲန့ၣ် အမ့ၢ်ဝဲတၢ်မ့ၢ်တၢ်တီ လၢအိၣ်လၢလံာ်စီဆှံပူၤ. ကစၢ်ယွၤကလုၢ်ကထါန့ၣ် ဆီတလဲပှၤတၢ်ဆိကမိၣ် ဒီးပှၤတၢ်တူၢ်ဘၣ်သ့. ပမ့ၢ်သူလံာ်စီဆှံန့ၣ် ကမၤစၢၤပှၤဂၤလၢ အကထံၣ်န့ၢ် တၢ်မ့ၢ်တၢ်တီနီၢ်ကီၢ် ဒီးအဝဲသ့ၣ်တၢ်နာ်န့ၣ် ကဘၣ်လိာ်သးဒီး လံာ်စီဆှံအတၢ်သိၣ်လိ.
၅. ပာ်သးမုာ်မုာ်ခုၣ်ခုၣ်. တဘၣ်ကျဲးစၢး ပာ်ဖျါထီၣ်လၢ ပဘၣ်ထီဘိတဂ့ၤ. ပတဘၣ်သးတဲအါတၢ်ဒီးပှၤဂၤဘၣ် အဃိ ဖဲပှၤဂၤတဲအါတၢ်ဒီးပှၤအခါ ပပာ်ဖျါထီၣ် တၢ်ဆီၣ်လီၤသးခီဖျိ ပတတဲအါတၢ်ဒီး အဝဲသ့ၣ်ဘၣ် ဒီးပဟးထီၣ်ကွံာ်ဖဲန့ၣ်. (ကတိၤ ၁၇:၁၄; တံတူး ၃:၂) ပမ့ၢ်ဆဲးတဲတၢ်ဒီးပှၤဂၤမုာ်မုာ်န့ၣ် ဘၣ်သ့ၣ်သ့ၣ်လၢခံ ပှၤဂၤကသးအိၣ်ဒိကနၣ်တၢ်လၢ ပတဲအီၤ.
