KUBANDA MASOLO
KILESO 4
Vanda ya kukuluka
Malongi: “Beno kuluka na ntwala ya bampangi, mpe beno tala bampangi mutindu bantu ya kulutila beno.”—Flp. 2:3.
Yinki Polo salaka
1. Tala VIDEO, to tanga Bisalu 26:2, 3. Na manima, kanisa na byuvu yayi:
-
Wa’ faso Polo lakisaka kukuluka na mutindu ya yandi ya kuzonza na mfumu Agripa?
-
Wa’ faso Polo nataka Agripa na kupesa lukumu nyonso na Yehova mpe na Masonoko kasi na yandi ve?—Tala Bisalu 26:22.
Yinki beto lenda longoka na kifwani ya Polo?
2. Mambu yina beto ke zonzaka lenda lutila kusepelisa bantu kana beto zonzila bawu yawu na kukuluka nyonso mpe na buzitu.
Landa kifwani ya Polo
3. Kuvanda ve na lunangu. Kusosa ve kunata muntu na kukanisa ti nge zaba nyonso mpe ti yandi zaba ata kima. Zonzila yandi na buzitu nyonso.
4. Sadisa muntu na kutala ti matsyeleka yina nge ke na zonzilaka yandi ke na katukaka na Biblia. Mambu ya Nzambi ke na malongi yina ke simbaka bantima ya bantu. Ntangu beto ke sadilaka Biblia, beto ke sadisaka bantu na kutunga kiminu ya ngolo.
5. Vanda na lembami. Kusosa ve ba kuwa kaka dikanisi ya nge. Beto zola ve kuzonza mingi to kuswana. Lakisa kukuluka: kudasuka ve mpe zaba ntangu ya kuzenga disolo to kukwenda. (Bin. 17:14; Tite 3:2) Kupesa mvutu na lembami nyonso lenda fungula nzila na disolo ya kitoko kilumbu ya nkaka.
