MPILA YA YANTIKILA E MOKO
LONGI DIA 4
Songanga Lulembamu
Nkanikinu: “Kuna lulembamu kaka nubadikila ankaka vo banusundidi.”—Fili. 2:3.
Adieyi Paulu Kavanga?
1. Tala e VIDEO yovo tanga Mavangu 26:2, 3. I bosi, vana e mvutu za yuvu ilende:
-
Aweyi Paulu kasongela lulembamu muna mpila kamokenena yo Ntinu Angeripa?
-
Aweyi Paulu katuntila e sungididi kia wantu muna Yave ye Sono vana fulu kia tunta e sungididi kwa yandi kibeni?—Tala Mav. 26:22.
Adieyi Tulongokele Muna Mbandu a Paulu?
2. Avo tuvovesele o muntu kuna lulembamu yo luzitu, osia e sungididi muna nsangu zeto.
Tanginina Paulu
3. Vovelanga kuna luzitu. Venga e fu kia songa vo ngeye kaka ozeye mawonso, o muntu ankaka kazeye diambu ko. Umvovesela kuna luzitu.
4. Songa vo mana olonganga muna Bibila metukanga. Muna Diambu dia Nzambi muna ye malongi malenda simba e ntima mia wantu. Vava tusadilanga mo, tukumikanga lukwikilu lwau muna Diambu dia Nzambi.
5. Kwamanana songa lulembamu. Venga e fu kia siandama vo ngeye kaka una ye ndungidi. Ke tuzolanga tantana yo wantu ko. Songanga lulembamu muna kalanga wavuvama yo zaya e ntangwa ofwete katuka. (Nga. 17:14; Tito 3:2) Avo tuvovele kuna lulembamu, nanga o wantu balenda wa e nsangu zeto muna ntangwa yankaka.
