ເລີ່ມລົມ
ບົດທີ 4
ຖ່ອມໂຕ
ຫຼັກການ: “ໃຫ້ຖ່ອມໂຕແລະຖືວ່າຄົນອື່ນດີກວ່າໂຕເອງ.”—ຟລປ. 2:3
ສິ່ງທີ່ໂປໂລເຮັດ
1. ເບິ່ງ ວິດີໂອ ຫຼືອ່ານກິດຈະການ 26:2, 3. ແລ້ວຕອບຄຳຖາມຕໍ່ໄປນີ້:
ເຮົາໄດ້ບົດຮຽນຫຍັງຈາກໂປໂລ?
2. ຂ່າວສານທີ່ເຮົາປະກາດຈະໜ້າສົນໃຈຫຼາຍຂຶ້ນເມື່ອເຮົາເວົ້າແບບຖ່ອມໂຕແລະໃຫ້ກຽດ.
ຮຽນແບບໂປໂລ
3. ເວົ້າດ້ວຍຄວາມນັບຖື. ຢ່າເຮັດໃຫ້ຜູ້ທີ່ເຈົ້າລົມນຳຮູ້ສຶກວ່າເຈົ້າຮູ້ທຸກຢ່າງແລະລາວບໍ່ຮູ້ຫຍັງເລີຍ. ແຕ່ໃຫ້ເວົ້າກັບລາວດ້ວຍຄວາມນັບຖື.
4. ເຮັດໃຫ້ເຫັນຈະແຈ້ງວ່າສິ່ງທີ່ເຈົ້າກຳລັງສອນນັ້ນມາຈາກຄຳພີໄບເບິນ. ຄຳພີໄບເບິນສາມາດສົ່ງຜົນຕໍ່ຄວາມຄິດແລະຄວາມຮູ້ສຶກຂອງຜູ້ຄົນໄດ້. ເມື່ອເຮົາໃຊ້ຄຳພີໄບເບິນ ເຮົາກໍກຳລັງຊ່ວຍເຂົາເຈົ້າໃຫ້ມີຄວາມເຊື່ອເທິງຮາກຖານທີ່ຖືກຕ້ອງ.
5. ອ່ອນໂຍນສະເໝີ. ຢ່າພະຍາຍາມພິສູດວ່າເຈົ້າເປັນຝ່າຍຖືກ. ເຮົາບໍ່ຢາກໃຫ້ມີການຖຽງກັນ. ໃຫ້ສະແດງຄວາມຖ່ອມໂຕໂດຍໃຈເຢັນໆແລະຮູ້ວ່າຕອນໃດຄວນເຊົາລົມ. (ສພສ. 17:14; ຕຕ. 3:2) ຖ້າເຈົ້າເວົ້າແບບອ່ອນໂຍນ ຄົນທີ່ເຈົ້າລົມນຳອາດຈະຢາກຟັງຂ່າວສານທີ່ເຈົ້າປະກາດໃນເທື່ອໜ້າກໍໄດ້.