ZƐPƐI LƆƆ-ZEI
KALABO 4
Kolo-Wuloai
Tɛnɛgi: “Kolo-wuloa maazu a numai zɔitiɛ te maʋaa wɔɔlɔ é leve wa ɣagi va.”—Fele. 2:3.
Nii Pɔɔ Kɛɛni
1. Wɛlɛ ƲILIOGI va, ɔɔ Te Ɣɛɛ Ʋaitiɛ 26:2, 3 lodo. Ya na ɣɛɛna e gaa-zaɣa-kɛɛ niitiɛ ɣaa wote:
-
Pɔɔ dɛɛni ɣɛ le ga e ɣɛni ga kolo nu, ga velei e yɛpɛni la Masagi Agilipa wɔ?
-
Pɔɔ dɛɛni ɣɛ le ga ɛ lɛ ɣɛni ɓaa laazu ɓɔɔ ma, kɛ e ɣɛni ɓɔsu numaa va ga te faa wɛ̃ɛ e vile Jehova va?—Wɛlɛ Te Ɣɛɛ Ʋaitiɛ 26:22 va.
Zɛɓɛi Da Maa Woli Pɔɔ Na Po-Kɔ̃ɔ-Mai Zu?
2. Numaa ta yee zei Gala goi wu, ani da dɛɛna ga da ga kolo vea na ɣa ɣɛɛna wũfe-ma ɣa de ya.
Vile Pɔɔ Wɔwɔ Wogi Zu
3. Mɛlɛ dɛ ga e faa ɓɔgapɛ kwɛ̃ni. Mɛlɛ dɛ ga e faa ɓɔgapɛ kwɛ̃ni na ɣa ɣɛɛna nui e yɛpɛzu pɔ lɛ faa nɛpɛ kwɛ̃ni. Yɛpɛ ɓɔɔ manui wɔ wũfe-ma vele zu.
4. Dɛ ɓɔɔ ga gaamai e dɛɛzu ga manui, kulovɛ Gala Kɔlɔi zu. Keela woitiɛ te Gala Kɔlɔi zu, ta numaa yii zo. Niitiɛ da dɛ ga numaa, ani da ɣɛna kulozu Gala Kɔlɔi zu, towa ta yee-la-mai zu-ɓaa.
5. Mɛlɛ yii ɣaa-wãla. Mɛlɛ ɣɛ tea kɛni nɔ manui ɣa yee zei nii wu ge bosu. De mɛlɛ laalɛ numaa wu ga kpɔɛ. Ɣɛ ga zii-laa nu, na ɣa ɣɛɛna e kwɛ̃ɛ siɛgi ya wulo la na, na ɣa dɛ ga ya ga kolo nu. (Prov. 17:14; Taitɔ 3:2) Ani da daana ma diɛ yɛpɛ numaa wɔ, naa luoi zu, na lɛ ɓaa ga te yee zei Gala goi wu.
