CHAKO MBAKA
SULA MAR 4
Bed Ng’at ma Bolore
Puonj: “Bolreuru ka ukwano ni jomamoko oloyou gi ber.”—Fil. 2:3.
Gima Paulo Notimo
1. Ne VIDIO, kata isom Tich Joote 26:2, 3. Bang’ mano, non penjo ma luwogi:
-
Paulo ne onyiso nade ni nobolore sama nowuoyo gi Ruoth Agripa?
-
Ere kaka Paulo nomiyo Jehova duong’ kendo chiwo luor ne Ndiko kar miyore duong’?—Ne Tich Joote 26:22.
Ang’o ma Wapuonjore Kuom Paulo?
2. Wach ma walando nyalo moro ji ka wabolore kendo wawuoyo kodgi e yo ma nyiso luor.
Luw Ranyisi mar Paulo
3. Wuo e yo ma nyiso luor. Kik itimri ka gima ing’eyo gimoro amora to ng’at miwuoyogo kia gimoro.
4. Wach ayanga ni adiera mipuonjo wuok e Muma. Wach Nyasaye oting’o weche ma mulo chuny ji. Ka watiyo kode, to wagero yiegi e mise maber.
5. Sik ka ikuwe mos. Kik ichun gik moko. Ok dwaher yware gi ji. Nyis ni ibolori kuom kuwe mos kendo ng’e kinde mowinjore ing’adie mbaka. (Nge. 17:14; Tito 3:2) Dwoko mamuol nyalo miyo ng’at milendone owinj wach maber kinde moro machielo.
