KATAMALI JOSʼIN CHJA̱KAONAJMÍ CHJOTA
KJOAʼMIYA 4
Nangitokon katamai
Texto: “Chósonnilao nga xikʼa ngisa nda male kjoa xi tjín kaoni tsa jon” (Filip. 2:3).
Jokisʼin Pablo
1. Chótsenlai VIDEO, kʼoa tsa maije̱ tʼexkiai Hechos 26:2, 3. Xijekoa̱n, chótʼayajin kjoachjonangi jebi:
-
Jósʼin tsakakó Pablo nga nangitokon ma kʼianga tsakjákao je rey Agripa.
-
Jókitso Pablo nga je Jeobá tsakʼasjengʼa ʼndele nga to yaole kʼoasjengʼa kʼoa nga Énle Niná kisichjén ʼndele nga totsʼe én sichjén (tʼexkiai Hechos 26:22).
Jméni xi bakóyaná jokisʼin Pablo
2. Kʼiatsa nangitokon koaan kʼoa tsa koakolee kjoaxkóntokon je chjota ngisaa kjuinrʼoé jme xi kʼuínyalee.
Chjénngi choa̱le Pablo
3. Kao kjoaxkóntokon tinókjoakoai chjota. Alikui ndatjín tsa kʼoasʼin sikjaʼaitsjen chjota nga toji ʼyayejai kʼoa nga tsín jme xi be je.
4. Kʼoatʼinlai je chjota nga ya Biblia faʼaitʼa jme xi tiʼmiyalai. Je Énle Niná bichókajin ni̱ma̱le chjota. Kʼianga kui nichjén kʼoasʼin binyakaoñá nga nʼio satío kjoamakjainle.
5. Nda chjota katamai. Ali kjoanʼiojin bʼenelai chjota jocho nga koa̱nkjainle nga kʼoatjín jme xi tisi. Ali tsakuijin xá mangínchonnilee nga cho̱batiaa. Tsa nangitokon mai kui xi koasenkaoli nga tsín yaoli si̱jtilai kʼoa jchaní kʼiáni nga ngisa nda nga tosa tokʼuín (Prov. 17:14; Tito 3:2). Tsa nda tso én chja̱koai, tsakui nichxin koa̱nmele kuinchja̱najmí xi ngindia.
