МУТЛАНЫМАШЫМ ТӰҤАЛЗА
4 УРОК
Ӱҥышын ойлыза
Принцип: «Ӱҥышын икте-весым шке дечда кугураклан шотлыза» (Флп. 2:3).
Мом Павел ыштен
1. ВИДЕОРОЛИКЫМ ончалза але Апост. пашашт 26:2, 3 лудын лекса. Вара нине йодыш-влак нерген шонкалыза:
-
а) Агриппа кугыжа дене мутланыме годым Павел ӱҥышылыкым кузе ончыктен?
-
б) Павел шкаланже огыл, а Иегова ден Священный Возымашлан вниманийым ойырен манын, кушеч коеш? (Апост. пашашт 26:22 ончыза).
Павел деч мо́лан тунемына?
2. Айдеме дене ӱҥышын да пагален мутланена гын, тудо мемнам уло кумылын колыштын кертеш.
Павел деч примерым налза
3. Кугешнен ида мутлане. Шкендам тыге ида кучо, пуйто те чылажымат паледа, а айдеме нимомат огеш пале. Тудын дене пагален мутланыза.
4. Каласымыда Библий дене негызлалтеш манын ончыктыза. Юмын Мутыштыжо айдемын шӱмжым тарватен кертше шонымаш-влакым возымо. Тудым кучылтына гын, айдемын ӱшанымашыже мемнан мутеш огыл, а Библиеш негызлыме лиеш.
5. Тыматле лийза. Айдеме дене ида ӱчаше да тудым ида темде. Тынысле кодын да кӱлеш жапыште мутланымашым кошартен, ӱҥышылыкым ончыктыза (Прит. 17:14; Тит. 3:2). Тыматлын ойлена гын, вес гана айдеме дене сай мутланымаш лийын кертеш.
