TAMEKA OONKUNDATHANA
Iil. 26:2, 3
OSHILESHWA 4
Kala omwiifupipiki
Ekotampango: “Ifupipikeni kiipala yayakweni, ne mwaa dhiladhile kutya one aawanawa mu ya vule.”—Fil. 2:3.
Shoka Paulus a li a ningi
1. Tala OKAVIDIO, nenge wu leshe Iilonga 26:2, 3. Opo ihe to yamukula omapulo taga landula:
Oshike tatu ilongo koshiholelwa shaPaulus?
2. Aantu ohaya pulakene nuupu ketumwalaka lyetu, ngele tatu popi nayo neifupipiko nonesimaneko.
Holela Paulus
3. Popya momukalo gwesimaneko. Yanda okugandja ethano kutya ngoye owu shi kehe shimwe, omanga omuntu ngoka to uvithile ke na shoka e shi. Sho to popi naye shi ninga momukalo gwesimaneko.
4. Shi ulika sha yela kutya shoka to popi otashi zi mOmbiimbeli. Molwaashoka oohapu dhayo odha za kuJehova, ohadhi gumu omitima dhaantu. Ngele tatu dhi longitha, eitaalo lyawo otali ka kala lya kankamena koshinima shoka shi shi okwiinekelwa.
5. Popya wa ngungumana. Ino kala to kondjitha wu ulike kutya ongoye wu li mondjila. Inatu hala okukala tatu tamanana naantu. Ulika kutya ngoye omwiifupipiki mokukala wa ngungumana nosho wo mokutseya kutya ethimbo lini wu na okuza po puye. (Omayel. 17:14; Tit. 3:2) Ngele owa popi nomuntu wa ngungumana ota ka kala a hala okupulakena kutse monakuyiwa.
TALA WO OMANYOLO TAGA LANDULA
Rom. 12:16-18; 1 Kor. 8:1; 2 Kor. 3:5
