XPEUA XTENOTSA
TLAMACHTIJLI 4
Xyolyemanki
Tlen Biblia kijtoua: “Ikan yolyemanilistli xmomatikan ika oksekimej más uejueyixtokej xken nemejuamej” (Filip. 2:3).
Tlen okichiuj Pablo
1. Xkita VIDEO noso xkamapoua Hechos 26:2, 3. Tla ijkon yotikchiuj, aman xkinnankili yejuin:
-
¿Kenijki Pablo okititi tekiuaj Agripa ika yolyemanki katka ika ken okinots?
-
¿Tlenon okichiuj Pablo para kiteititis ika tlen kijtouaya ualeuaya itech Jehová niman itech iTlajtoltsin niman ika xkijtouaya san tlen yejua kinemiliaya? (Xkita Hechos 26:22).
¿Tlenon tiuelij itech ken Pablo okichiuj?
2. Tla titenotsaj ika tetlakaitalistli niman ika yolyemanilistli, akin tikinnojnotsaj más kinektoskej techkakiskej.
Xchiua ken Pablo
3. Maka xchiua itlaj tlen uelis kiteititis ika timoueyimati. Maka xkititi akin tiknojnotsa ika tejua nochi tikmati niman ika yejua xtlaj kimati. Nochipa xnotsa ika tetlakaitalistli.
4. Kuajli xteasikamachilti ika tlen titemachtia ualeua ipan Biblia. ITlajtol toTajtsin uelis ajsis ipan inyojlo akin tikinnojnotsaj. Ijkuak tiktekitiltiaj Biblia, tikinpaleuiyaj itech matlaneltokakan.
5. Maka xkualani. Maka xchiualti makineltoka tlen tikijlia. Xkilnamikto ika tejuamej xtiknekij imiuan tokualaniskej. Tla tiyolyemanki, mitspaleuis maka nimantsin xkualani niman tikmatis kemanon titlamis teuan timonojnotsas (Prov. 17:14; Tito 3:2). Tla tejua kualtsin titlanankilia, kanaj akin otiknojnots kinektos mitskakis ijkuak oksejpa tikonitas.
