ERITSUKISYA OMUKANIA
ESOMO 4
Eriyikehya
Akanuni: “Muyikehaye, imukaghanza obuli mundu mo mubuya kwilaba inywe.”—Flp. 2:3.
Ngoko Paulo akola ekyo
1. Ulebaye EVIDEO, kutse usome Emibiri 26:2, 3. Neryo ulengekanaya oko mabulyo awali ahikwa hano:
-
Paulo mwakangania ati omubere w’eriyikehya akakania n’Omwami Agripa?
-
Paulo mwatayiloleryako omukania; aliwe mwaloleryagho oko Yehova n’oko Masako. Mwakola ekyo kyati?—Lebaya Emibiri 26:22.
Ekyo Paulo akola kikatwighisayaki?
2. Twamakania n’abandu itunayikehirye kandi itunabasikirye, ibanganatsemera omwatsi wetu.
Ukole nga Paulo
3. Isiwayikanganaya nga ulengire abandi. Isiwaleka oyo ukakanaya naye akalengekania nga wasi obuli kindu aliwe iye nga siasiki. Ukanaye naye ighunamusikirye.
4. Ngambe ibalangira ndeke-ndeke ngoko ebyo ukakangiriraya bikalua omo Biblia. Ekinywa ky’oMungu kyanganatula oko mitima n’oko malengekania w’abandu. Omughulu tukakolesaya ekinywa ky’ oMungu, tukahimba obwikirirya bwabo oko kibanza ekyowene.
5. Ubye molo. Isiwahatikana erilighisya omundu omwatsi waghu. Isiwakuba obuhaka. Ukanganaye ko ukayikehaya omw’ibya ighunatulere n’eriminya endambi y’eriluaho. (Emi. 17:14; Tito 3:2) Wamakania ighunatulere, ekyo kyanganakuha akanya ak’erisyakania naye ekindi kiro.
