OKUTANDIKA EKIGAANIIRO
EISHOMO 4
Obucureezi
Omusingye: “Omu bucureezi [twara abandi nk’abarikukukira].”—Fil. 2:3.
Eki Paulo Yaakozire
1. Reeba VIDIYO, nari shoma Ebyakozirwe 26:2, 3. Bwanyima oyetegyereze ebibuuzo ebirikukurataho:
-
Paulo akooreka ata obucureezi omu kugamba n’Omugabe Aguripa?
-
Paulo akata ata omutima ahari Yehova n’Ebyahandiikirwe omu mwanya gw’okugwetaho?—Reeba Ebyakozirwe 26:22.
Nitwegyera ki Ahari Paulo?
2. Obutumwa bwaitu nibushemeza abantu twabugamba omu muringo gw’obucureezi n’ekitiinisa.
Tooreza Paulo
3. Reka kwetwara nk’orikumanya munonga. Yetantare kureetera omuntu kukureeba nk’orikumanya buri kimwe, reero we akeehurira nk’otaine eki arikumanya. Gamba nawe omu muringo gw’ekitiinisa.
4. Yoreka gye ngu amazima agu orikwegyesa nigaruga omu Baibuli. Ekigambo kya Ruhanga kirimu ebiteekateeko ebirikuhika abantu aha mutima. Twakikoresa, nituba nitwombeka okwikiriza kwabo aha musingi oguhikire.
5. Guma otaine kiniga. Otateeraho kwangisiriza ngu enshonga yaawe niyo ehikire. Titurikwenda kuteera empaka. Yoreka ngu ori omucureezi orikuguma oikaikaine, kandi omanye n’obu oine kucwamu kugyenda. (Enf. 17:14; Tit. 3:2) Okutwaza gye nikibaasa kureetera omuntu kwenda kuhurikiza aha murundi ogundi.
