RA TUẸN IKUEGBE RHỌ
UYONO 4
Vwo Omeriotọre
Uruemru-urhi: “Rhẹ omeriotọre are i ni ereva are taghene aye i do ghwẹ are.”—Phil. 2:3.
Oborẹ i Paul o Ruru
1. Ni IVIDIO na, yanghene se Acts 26:2, 3. Orho ru, gbe roro kpahen enọ enana:
-
Marhẹ oborẹ i Paul ọ tẹmro rẹn Orodje Agrippa lele, o ru dje omeriotọre phia?
-
Marhẹ i Paul o ru kpọ ẹhẹn ihworho na vi Jehova ọrhẹ Eyaya Ọfuanfon na, ukperẹ ono rhiẹ omayen?—Se Acts 26:22.
Me ya na Sabu Yono Mie i Paul?
2. Urhomu re ghwoghwo ọnọ merhoma rhọ arha haye phia izede ro dje omeriotọre ọrhẹ ọghọ phia.
Hẹrokele i Paul
3. Tẹmro izede ro dje ọghọ phia. Wu vwa lẹrhẹ ohworho na roro taghene o rhe emru owuorowu-u, yanghene wu rhe emru ghwẹ ye-e. Lelie tẹmro izede ro dje ọghọ phia.
4. Jenẹ o mwu ohworho na ẹro taghene wu bọn ẹmro ọnọ kpahen i Baibol na. Ẹmro Osolobrugwẹ ọnọ sabu hobọte iroro ọrhẹ ọmudu awọrọ. Arha haye ruiruo, nọyẹ ọwan a ha userhumu rẹn aye vwo obọdẹn esegburhomẹmro.
5. Vwo ẹhẹn bọrọbọrọ. Wu vwa lẹrhẹ awọrọ roro taghene ẹmro ọnọ ọvo yọ gbare-e. O fori na kẹnoma rẹn ẹfro. Dje omeriotọre phia, nyoma wu ne vwo ẹhẹn ọfọfọ, ji rhe ọke ro fori wu ne nẹ avwaye. (Prov. 17:14; Titus 3:2) Ẹkpahenrhọ bọrọbọrọ, ọnọ sabu lẹrhẹ ohworho na kerhọ ọwan ọke ọrọrọ.
