FU̱DI GI ÑÄUI YÄ JÄꞌI
RÄ LECCIÓN 4
Ogi exä ri nsu
Näꞌä udi rä Mäkä Tꞌofo: «Ogri ꞌñexäse̱hu̱. Nuꞌä gi yꞌo̱thu̱, ꞌñeꞌtsuähu̱ yä nsu märꞌaa» (Filip. 2:3).
Näꞌä bi me̱fi rä apostol Pablo
1. Hyandi rä BIDEO o hñeti Hechos 26:2, 3. ꞌNepu̱ thädi nuya yä ntꞌani:
-
¿Hanja bi ꞌñudi rä apostol Pablo ge himi exä rä nsu ora bi ñäui rä rey Agripa?
-
¿Hanja bi ꞌñudi rä apostol Pablo ge mi balora rä Noya Äjuä, hingä näꞌä mi mbenise̱? (Hyandi Hechos 26:22).
¿Te utkägihu̱ rä ejemplo rä apostol Pablo?
2. Yä jäꞌi mänꞌa ma dä ne dä yꞌo̱de de rä Noya Äjuä mu̱ gä zofohu̱ ko rä tꞌekꞌei ꞌne hingä exä mä nsuhu̱.
De̱mbäbi rä ejemplo rä apostol Pablo
3. Ogi mbeni ge gi pädi gatꞌho. Su nuꞌu̱ yä gi noya gi usa pa hingi ꞌme̱tuäbi rä tsa yä jäꞌi, nixi gi ꞌñexä ri nsu ge nuꞌi mänꞌa gi pädi. Mänꞌa dä hogi gi nzofo ko ndunthi rä mhäte ꞌne rä tꞌekꞌei.
4. Usa nzäntho rä Mäkä Tꞌofo. Rä Mäkä Tꞌofo geꞌä rä Noya Äjuä, ꞌne pe̱ꞌtsi rä tsꞌe̱di pa dä tso̱mbäbi ha rä koraso yä jäꞌi. Mu̱ gä usahu̱ ora di utihu̱ yä zi jäꞌi, ma dä za gä fatsꞌihu̱ pa dä ze̱di yä jamfri po rä Zi Dada Jeoba.
5. ꞌÑudi nzäntho rä mhäte. Mu̱ nꞌa rä jäꞌi hingi ne dä yꞌo̱de de rä Noya Äjuä o se̱he̱ ne dä diskuti, ꞌñudi rä mhäte ꞌne rä tꞌekꞌei. Beni ge nuju̱ di ne gä fatsꞌihu̱ yä jäꞌi dä bädi de Äjuä, hingä gä diskutihu̱ o gä handihu̱ toꞌo mänꞌa pädi de rä Mäkä Tꞌofo. Rä umilda ma dä maxꞌäꞌi pa hingi dämä nkue̱ ꞌne pa gi hyandi te mä ora dä hogi gi ma de gehni (Prov. 17:14, Tito 3:2). Mu̱ gi ꞌñudi rä mhäte ꞌne rä tꞌekꞌei, zäi ge näꞌä zi jäꞌi ma dä ne dä yꞌo̱de mä nꞌa rä pa.
