KUMINSÁ UN KÒMBERSASHON
LÈS 4
Sea Humilde
Prinsipio di Beibel: “Ku humildat, konsiderá ku otro hende ta superior na boso.”—Flp. 2:3.
Loke Pablo A Hasi
1. Wak e VIDIO òf lesa Echonan 26:2, 3. Despues, analisá e siguiente preguntanan:
-
Kon Pablo a hala atenshon na Yehova i na e Skrituranan, i no na su mes?—Wak Echonan 26:22.
Kiko Nos Ta Siña for di Pablo?
2. Si nos ta papia na un manera humilde i ku rèspèt, hende lo tin mas smak di skucha nos mensahe.
Imitá Pablo
3. Papia ku rèspèt. Evitá di laga e persona ku bo ta papia kuné sinti ku e no sa nada i ku abo sa tur kos.
4. Laga e persona mira ku loke bo ta siñ’é ta for di Beibel. E Palabra di Dios por yuda un persona kambia su manera di pensa i sinti. Ora nos ta usa Beibel, nos ta yuda hende edifiká nan fe riba un bon fundeshi.
5. Keda ku un bon aktitut. No keda insistí ku bo tin rason. Nos no ke diskutí. Keda humilde i kalmu. I sa ki ora bo tin ku bai. (Pro. 17:14; Tito 3:2) Si bo ta papia na un manera trankil, kisas e persona ku bo ta papia kuné lo skucha bo na un otro okashon.
