GUSENDESA GUTA MAGA NU ATHU
LONGO 4
Khala Muthu wa Gudibulumuisa
Longo dia Biblia: “Khalenu nu khadilo dia gudibulumuisa, khalenu mumona egi athu ako amibalega.”—Fili. 2:3.
Itshi Phaula Watshitshile?
1. Tala VIDEO, nga ndo tanga Makalegelo 26:2, 3. Gungima hana mvutu gu mihu eyi:
-
Luholo lutshi Phaula wamonesele khadilo dia gudibulumuisa hakhalele muzuela muene gutuama dia Fumu Agripa?
-
Luholo lutshi Phaula wamonesele egi udi muhana lutumbu gudi Yehowa nu Mbimbi yenji uvi gudi muene hakhenji ndo?—Tala Makalegelo 26:22.
Longo Ditshi Tuazula mu Gifezegeselo gia Phaula?
2. Athu mbaasuanguluga nu mbimbi tudi gualongesa gula tudi nu gudibulumuisa nu tudi guanemesa.
Landula Gifezegeselo gia Phaula
3. Zuela nu ginemua giagasue. Umonesago muthu udi muta n’enji maga egi wajiya ndaga jiagasue, uvi muene gajiyago nga gima. Zuela nu muthu muene nu ginemua giagasue.
4. Monesa haphelo egi ndaga udi mulongesa jidi mukatuga mu Biblia. Mbimbi ya Nzambi idi nu malongo avula ajiya gukuata diago mitshima ya athu. Gula tuayikalegela, mbayikhala gifua tuatunga gutshigina guawo holu dia fondasio yabonga.
5. Khala muthu watuluga. Ukhadigo mukamba gudibingisa. Tushigo naye gumana nu athu. Ha gumonesa khadilo dia gudibulumuisa, udi naye guhena tedie, udi naye nji gujiya tangua wajiya gukatuga. (Ish. 17:14; Tito 3:2) Gula mbimbi jietu jidi jiatuluga, yajiya gutuma muthu muene ha gututegelela masugu ako.
