DEKEXIʼIN DENICHJEʼENA
LECCIÓN 4
Dekaiʼan ñáo
Thi tjago Biblia: “Ncheʼara xraa ixi tsainxin ñaura [...], ko xraxaunra ixi icha chujni icha jian ncheʼena ke jaʼara” (Filip. 2:3).
Thi juincheʼe Pablo
1. Detsjeʼe VIDEO o denchelee Hechos 26:2, 3. Kuthejan degariʼi dexraxaun ngai thi xranchangi teʼi:
-
Kexrein kjuago Pablo ke kuaiʼan ñao ixi kexrein nichjee xi nchixin Agripa.
-
Keʼe juincheʼe Pablo para juinchegangi Jehová ko thi ndachro ngai Thee Ndo, ko jiʼa jeʼe thi rugangi (detsjeʼe Hechos 26:22).
Keʼe tanginá de thi juincheʼe Pablo
2. Icha tángiʼa ke chujni sinao tsiʼin juajna jian ke thjiuʼuná si runichjeenána tachrjuin ko tsaiʼan ñauná.
Dencheʼe xraa Pablo
3. Dekjaguʼa ke suixin icha denuʼa. Dencheʼa ke chujni tsunuʼena ke suixin denuʼa kain ko ke jeʼena xruʼin nuʼena. Dekjago ke dencherenthena.
4. Dekjago ke thi dendachro thixin de ngaa Biblia. Thi jitaxin ngai Biblia juixin de Dio ko nchao diji ngai anseen chujni. Are nthugundana Biblia, thengijnaná chujni para ke thi ruchunthiana suji seʼe.
5. Tachrjuin denichjeʼena. Maski menxun ndakuaʼa jii thi xraxauna, suixin xruʼin dendachro de yaa. Jaʼana rinauʼaná tsetukuʼuná chujni. Thi taiʼan ñauni sekengijna para ke seguñauʼan ko sekunuʼan si uchunda ke sasekjixin de yaa (Prov. 17:14; Tito 3:2). Si suixin ndakua segatheʼe, menxun chujni mee jaan sinao tsianá inaa nchaʼun.
