KUMSA KOMBERSA
LISON 4
Sedu umildi
Prinsipiu di Biblia: “Ku umildadi kada kin dibi di oca si kumpañer mas di ki el.” — Fil 2:3.
Ke ku Paulu fasi
1. Jubi VIDEO, o lei Atus 26:2, 3. Dipus pensa diritu nes purguntas:
-
Kuma ku Paulu mostra umildadi na manera ki papia ku rei Agripa?
-
Kuma ku Paulu pui jintis konsentra na Jeova ku si Palabra, en ves di pui pa e konsentra nel? — Jubi Atus 26:22.
Ke ku no aprindi di Paulu?
2. Ora ku no papia ku umildadi i ku rispitu no mensaẑen ta sedu mas interesanti pa jintis.
Kopia isemplu di Paulu
3. Papia ku rispitu. Ivita pui pa algin pensa di kuma bu sibi tudu, i el i ka sibi nada.
4. Pui pa jintis sibi di manera klaru di kuma ke ku bu sta na nsina bin di Biblia. Palabra di Deus pudi toka korson di jintis i muda se manera di pensa. Ora ku no usal, no ta sta na juda elis pa e tene fe na Palabra di Deus.
5. Manti kalmu. Ka bu nsisti na mostra di kuma bu tene razon. No ka misti diskuti. No ta mostra umildadi ora ku no kontinua kalmu, i sibi ora ku no dibi di sai di ki kau. (Dit 17:14; Titu 3:2) Si bu papia ku kalma, talves ki algin na sukuta no mensaẑen utru bias.
