PARLAPAR QALLANËKIPAQ
4 KAQ YACHAKUNËKIPAQ
Humildi kë
Bibliachö kënö ninqanman pensë: “Humildi karnin wakinkunata qamkunapita mas allitanö rikäyë” (Filip. 2:3).
¿Imatataq Pablu rurarqan?
1. VIDEUTA rikë o Hëchus 26:2 y 3 ninqanta leyi. Tsëpitana këkunaman pensë:
-
¿Imanötan Pabluqa gobernaq Agrïpata imanö parlapanqanchö humildi kanqanta rikätsikurqan?
-
¿Imatataq Pablu rurarqan wiyaqninkuna pëman yarparäyänampa rantin Jehoväman y Bibliachö ninqanman pensayänampaq? (Rikäri Hëchus 26:22 ninqanta).
¿Imatataq yachakuntsik Pablu ruranqampita?
2. Humildi kashqa y respëtuwan parlapashqaqa masmi nunakuna wiyamënintsikta munayanqa.
Pablu ruranqannö rurë
3. Ama yachaq tukuytsu. Ama nunakunata pensatsitsu imëkata musyanqëkita y pëkunaqa imatapis mana musyayanqanta. Nunakunata imëpis respëtuwan parlapë.
4. Bibliachö ninqampita yachatsikunqëkita cläru rikätsikuy. Diospa Palabran Bibliachö ninqanta yachakurmi, wakin nunakunaqa imanö pensayanqanta y imanö sientikuyanqanta cambiayashqa. Bibliawan yachatsishqaqa, noqantsikman creiyänampa rantinmi Bibliachö ninqanman creiyanqa.
5. Tranquïlu parlapë. Rasumpa kaqta nikanqëkitaqa ama imëkanöpa rikätsikuyta procurëtsu. Noqantsikqa manam nunakunawan discutitatsu munantsik. Humildi kanqëkim tranquïlu kanëkipaq y imë höra ëwakunëkipaq kaqta musyanëkipaq yanapashunki (Prov. 17:14; Tïtu 3:2). Shumaq y tranquïlu parlapaptikiqa, capaz yapëpis noqantsikwan parlëta munanqa.
