PARRLASH CALLARI
LECCIÓN 4
Humildad
Bibliabu consejo: “Chaibu rrandiga humildadta rricuchish cutishujguna cangunamunda yalli gashcada yuyaichi” (Filip. 2:3).
Pabloga caidami rrurrarca
1. VIDEODA rricui o Hechos 26:2, 3-da liyi. Jipaga cai tapuigunada contestai:
-
Pabloga rey Agripaun parrlajushaga, ¿imashinadi humilde gashcada rricuchirca?
-
Pabloga demas yachaisapa tucunabu rrandiga, ¿imashinadi Bibliada y Jehová Diosda jatunyachirca? (Hechos 26:22-da rricui).
¿Pablobu ejemplomundaga imadadi yachanchi?
2. Respetoun y humilde shungun gentegunamun parrlajpiga ñucunchi ima nishcada uyangabumi munanga.
Pablobu ejemploda cati
3. Ama demas yachaj shina tucuillu. Huasiyujta ama mal sintichingabuga can demas yachaj shina na tucunallu gangui. Siempre respetoun parrlai.
4. Can yachachishcagunaga Bibliamunda gashcada rricuchi. Bibliadaga Dios escribichishca gashcamundami gentegunabu shungumun chayai pudin. Bibliada utilizashmi, genteguna shinchi feda charillun ayudanchi.
5. Siempre juyaida rricuchi. Can razonda charishcadaga ama nillu. Gentegunada ayudanadami munanchi. Ñucunchida rrimajpish humildes gashmi tranquilos rrishunlla (Prov. 17:14; Tito 3:2). Quiquin respetoun parrlajpiga, tal vez cutishuj funchami ñucunchiun parrlanada munanga.
ASHTAUN
Rom. 12:16-18; 1 Cor. 8:1; 2 Cor. 3:5-da rricui.
