CUINTANUNARA CALLARI
LECCIÓN 4
Mansu shungu ai
Bibliamanda iyai: “Mansu shunguhua. Caran duiñu shujcunara paimanda yali ajta iyachu” (Filip. 2:3).
Apóstol Pablo rurashca
1. VIDEORA ricui o Hechos 26:2, 3 leai. Huasha catij tapuigunamanda riparasha iyari:
-
¿Imasnara Pablo ricuchica mansu shungu ashcara rey Agripahua rimaushcai?
-
¿Imasnara Pablo mas valichica Jehová Diosta Diospa Shimiras paillara valichina randi? (Hechos 26:22 ricui).
¿Imara Pablomanda yachanchi?
2. Mansu shunguhua, respetuhua Diospa Shimimanda rimajpi mas gustu uyaringa.
Pablo rashcasna rurai
3. Respetuhua rimai. Ama ricuchichu can tucuira yachashca cuinta, uyaujta mana imas yachashcara sintichisha.
4. Alira ricuchingui can rimaushca Bibliamanda sirtu shimi ajta. Biblia Diospa iyaigunara charishcamanda runauna shunguma pactanmi. Bibliahua yachachisha runauna Diospa Shimii quirinuchu yanapanchi mana ñucanchi rimashcai.
5. Mansu shungu asha cati. Rimanara ganangagama ama rimasha catichu. Mana piñanusha rimanungaj munanchichu. Mansu shungu asha cati ganaslla ricuchisha. Shinallara riparai ima huras saquisha rinara (Prov. 17:14; Tito 3:2). Mansu shunguhua rimana uyaujta yanapanga shuj punzha Diospa Shimira uyana munaira charichu.
