PARLAI CALLARINGAPAJ
LECCIÓN 4
Humilde capangui
Bibliapica ninmi: “Humildemi cana capanguichi. Y shujcuna quiquingunamanda yali cashcataca yaipimi charina capanguichi” (Filip. 2:3).
Pablo imata rurashcata ricupashunchi
1. Chaipaca VIDEOTA ricupai o Hechos 26:2, 3ta liipai. Liishca jipaca cai tapuicunata contestapai:
-
Apóstol Pabloca ¿imashinata rey Agripata humildadhuan tratashcata ricuchirca?
-
Apóstol Pabloca ¿imashinata Jehovapa yachachishcacunamanda yachachijushcata ricuchirca? (Hechos 26:22ta ricupangui).
Pablopa ejemplomandaca ¿imatata yachajupanchi?
2. Gentecuna ali villaigucunata uyangapaj munachunga respetohuan, humildadhuanmi parlana capanchi.
Pablopa ejemplota catipai
3. Shujcunamanda yali ali cashcata ama pensaripanguichichu. Villachijushpaca imatapash na yachajtashna, gentecunata ama sintichingapami cuidadota charina capangui. Siempremi respetohuan parlana capangui.
4. Bibliamanda yachachijushcata ricuchipangui. Bibliaca Taita Diospa shimi cashcamandami gentecunapa shunguman chayaita ushan. Chaimandami gentecuna shinlli feta charichunga Bibliata utilizana capanchi.
5. Gentecunata juyashcata ricuchipangui. Predicacionbica gentecunahuan plituringapaca na munapanchichu. Humilde cashpaca nara plituri callarishpallatami chaimanda rina capanchi (Prov. 17:14; Tito 3:2). Aliguman parlajpica shuj punllaca gentecunaca uyangapaj munangami.
