AKAMATA I TETAI PUKAPUKA ANGA
APII 4
Akaaka
Kaveinga: “Ei ngakau akaaka ra, i te manako akameitaki atu tetai ki tetai, auraka iaia uaorai.”—Phili. 2:3.
Ta Paulo i Rave
1. Akara i te VITIO, me kore e tatau ia Angaanga 26:2, 3. E oti akamanako i te au uianga:
-
a. Akapeea a Paulo te akaari anga i te tu akaaka na roto i tana tuatua ki te Ariki ko Ageripa?
-
e. Akapeea a Paulo te akameitaki anga ia Iehova e te Au Irava e kare iaia uaorai?—Akara ia Angaanga 26:22.
Eaa te Apiianga Mei ia Paulo?
2. Ka āriki marekaia ta tatou karere me tuatua tatou na roto i te tu akaaka e te akangateitei.
Aru ia Paulo
3. Tuatua ma te akangateitei. Eiaa e akaari e kua kite pouroa koe i te au apinga, e kare ana apinga i kite.
4. Akataka meitaki e no roto mai i te Pipiria taau apiianga. Ka akakeu te Tuatua a te Atua i te manako e te ngakau o te tangata. Me taangaanga tatou i te reira, ka akaketaketaia to ratou akarongo.
5. E noo maru ua. Eiaa e māro e naau te mea tika. Kare tatou e taumaro atu. Akaari i te tu akaaka ma te noo maru ua, e e akaruke i te taime tau. (Mase. 17:14; Tito 3:2) Me pau maru koe, penei a tetai tuatau ka akarongo aia ki ta tatou karere.
