PROMIÉ DISKUSION
LOSON 4
Mèt pa ou anlèr
Prinsip la Bib : « Rojèt lorgèy pou konsidèr lé zot kom pli inportan k’zot » (Fil 2:3).
Sak Pol la fé
1. Rogard la VIDÉO oubien lir Akt 26:2, 3. Aprésa réfléchi su bann kèstion i vien apré.
-
Poukosa nou pé di ké Pol la pa mèt ali anlèr kan li la koz èk lo roi Agripa ?
-
Kosa i mont ké Pol la mèt lonèr su Jéova é son Parol, é pa dési li ? (rogard Akt 26:22).
Rotien sa
2. Si ou mèt pa ou anlèr é ou koz èk rèspé, domoun va plis ékout aou.
Fé parèy Pol...
3. Rabès pa lo moun. Mont out rèspé. Si ou fé out gran konésèr su tout zafèr, riskab lo moun va kroir li lé pli ba ké ou.
4. Mont bien ké sak ou di i sort dan la Bib. Li lé inspiré par Bondié é donk li néna lo pouvoir touch lo kèr domoun. Nout kroiyans lé bazé dési la Bib. Kan nou ansèrv ali, nou èd lo moun konpran é kroir sak la Bib i di.
5. Fé bon manièr. Pa bézoin fé mont ou néna toultan rézon. Kan ou mèt pa ou anlèr, sa i èd aou rès trankil é konèt kansa i fo arèt la diskusion (Prov 17:14 ; Tit 3:2). Si ou koz èk jantiyès, pétèt in prochin kou lo moun va ékout aou.
