VAREKAHA CHUDES E DUMA
LEKCIJA 4
Av pokorno
O tekstos, savo amen ľidžal: „Dikhen pre avrende, hoj hine bareder sar tumen.“ (Fil. 2:3)
O Pavol oda kerelas avka
1) Dikh tuke o VIDEJO abo pregen Skutki 26:2, 3. Paľis tuke rozkide kala otazki:
-
a) Sar o Pavol presikaďa e pokora oleha, sar vakerelas le kraľiha Agripaha?
-
b) Sar o Pavol hazdelas upre le Jehovas the leskero lav a na pes korkores? (Dikh Skutki 26:22)
So sikhľuvas le Pavlostar?
2) Te vakeres le manušeha pokornones the la paťivaha, ela predal leste lokeder te prilel o čačipen.
Ker avka sar o Pavol
3) Ma dikh pre ňikaste upral. Na kamas te vakerel avka, hoj le manušeske avel avri (dičhola), hoj amen džanas savoro a ov na džanel ňič. Vaker la paťivaha.
4) Oda, so sikhľares, zathov pre Biblija. Le Devleskero lav džal andro jilo. Te genes a te sikhľares andal e Biblija, le manušeskero paťaviben ela zathodo pre Devleskero lav a na pre tire lava.
5) Uľiker tuke o smirom. Andre služba na phiras pes te vesekedinel. Nane furt lačhes te sikavel, hoj tut hin čačo. Pokorno manuš na visarel pale nalačho lav, aľe džanel kana te džal het. (Prisl. 17:14; Tit. 3:2) Te o manuš pre tute chuťkerela a tu leha dureder vakereha šukares, šaj el, hoj sar aveha dujtovar, vaš kada, savo salas, tuha kamela te vakerel.
MEK TUKE DIKH
Rim. 12:16–18; 1. Kor. 8:1; 2. Kor. 3:5
