ТЕ ПОЧМИНА РАЗГОВОРИЈА
ЛЕКЦИЈА 4
Ов понизно
Начело: „Понизно дикхен е јаверен сар побаре тумендар“ (Фил. 2:3)
Со керѓа о Павле?
1. Дикх о ВИДЕОКЛИПИ или читин Апостолија 26:2, 3. Пало адава размислин башо акала пучиба:
-
а) Сар о Павле сикавѓа кај тано понизно кеда керѓа лафи е цареа?
-
б) Сар о Павле сикавѓа кај тане поважна о Јехова хем и Библија, а на ов? (Дикх Апостолија 26:22.)
Со сикљоваја таро Павле?
2. О мануша ка овен поспремна те шунен амен ако сием понизна хем сикаваја поштовање.
Џа пало е Павлескоро пример
3. Поштујн е јавере. Ма сикав кај само ту џанеа са, а о јавер на џанела ништо.
4. Адава со сикавеа ваљани те темелинел пе ки Библија. Адава сој пишимо ки Библија шај те кхувел е манушенге ко вило. Кеда користинаја ла, поможинаја е манушенге те овел лен зорали вера.
5. Ов кротко. Ма пробин те докажине кај ту сиан ко право. На мангаја те акоша амен е манушенцар. Сикав кај сиан понизно аѓаар со ка ачхове смиримо хем ка џа туке ако ваљани (Изр. 17:14; Тит 3:2). Ако сием кротка, мукхаја тхан о мануша јавер пути те шунен амен.
ДИКХ ХЕМ:
Рим. 12:16-18; 1. Кор. 8:1; 2. Кор. 3:5
