ЗАЛЭ И ДУМА
УРОКО 4
Смирения
Библейско принцыпо: «Авэн найабуримастирэ и май бари патив стон пэ авэр, чем пэр пэстэ» (Флп. 2:3).
Со терэлас о Павло
1. Дик ВИДЕО или адиносар Дила 26:2, 3. Тоди погиндосар пала кацавэ вопросоря:
-
а) Сар о Павло сыкадя и смирения, кала дэлас дума лэ Агрипаса?
-
б) Сар анда лэ Павлостирэ алава дицол, кай во шол май бут сама най пэр пэстэ, ай по Иегова и пэ Свынти Лила? (Дик Дила 26:22.)
Сости амэ сытювас кай о Павло?
2. О мануш май ӥто закамэла амэн тэ виашунэн, если амэ ласа тэ дас дума най абуримаса и пативалэс.
Тер кадя, сар о Павло
3. На дик по мануш завазглэ шэрэса. На андяр пэс кадя, ԥэнэса, ту ӷанэс вся, ай о мануш — нисо. Дэ дума пативалэс.
4. Сыкав, кай ту дэс дума па Библия. Андэр латэ пистромэ лэ Дэвлэстирэ гиндоря, савэ моӷут тэ лэн лэ одестар лэ манушэс. Если амэ ԥэнас и гиндоря андар латэ, лэ манушэстири вера лэла тэ барёл най через амарэ алава, ай через лэ Дэвлэско Алав.
5. Дэ дума ковлэс. На тердюв пэ пэско и на спорисав лэ манушэса. Всегда ав спокойно и полэ, кала трэбуй тэ парашэс тэ дэс дума. Андэ када тожэ дицол и смирения (Прит. 17:14; Тито 3:2). Если амэ дас дума ковлэс, можэт, пэ авэр разо о мануш закамэла амэн тэ виашунэн.
