KU SUNGULA MABULUN
DONDZRO 4
Ku Titsrongahata
Nsinya wa nawu: “Hi ku titsrongahata vonani van’wana va li lava tlakukiki ka n’wine.”—Filp. 2:3.
Leswi Pawulo A Swi Yentxiki
1. Hlalela VHIDIYU, kumbe u dondzra Mintizro 26:2, 3, u gama u hlamula swivutiso leswi landzrelaka:
-
Pawulo a titsrongahate hi ndlela yini loko a vulavula na Hosi Agripa?
-
Pawulo a swi kombise hi ndlela yini leswaku a a yisa lidzrumu ka Yehovha ni le ka Matsralwa a matsrhan’wini ya yene n’winyi?—Vona Mintizro 26:22.
Hi Dondzra Yini Ka Xikombiso Xa Pawulo?
2. Vhanu va nga ha nyonxela dzrungula dzrezru loko hi khanela hi ndlela ya ku titsrongahata ni ya xihlonipho.
Yetisela Pawulo
3. U nga khaneli hi ndlela ya ku titlakuxa. U nga yentxi ingiki u tiva hinkwaswu, ingi hi loko lweyi u bulaka na yene o ka a nga tivi ntxhumu. Bula na yene hi ndlela ya xitxhavu.
4. Swi beki a livaleni leswaku leswi u swi dondzrisaka swi pfa Bibeleni. A Zritu dzra Xikwembu Nkulukumba dzri ni mimpimiso leyi khumbaka timbilu ta vhanu. Loko hi tizrisa Bibele hi pfuna lweyi hi dondzraka na yene akuva a va ni masungulo lamanene ya ku yaka lipfumelo dzrake.
5. Zrula. U nga sindzrisi ku mu komba leswaku a hoxile. A hi djuli ku phikisana. Kombisa ku titsrongahata, u tama u zrula nakone tiva nkama wa ku suka u famba. (Amapr. 17:14; Tit. 3:2) Loko u vulavula hi ndlela ya ku zrula kumbexana u nga ha pfula mukhandlu wa ku va ni mabulu lamanene ka khambi ledzri taka.
