TOMESANI MAKANI
NSOLO 4
Khalani Wakucepeseka
Bhibhlya isalonga: “Citani pinthu mwakucepeseka, mbamuona andzanu kukhala akulu kupiringana imwe.” —Afil. 2:3.
Paulu Acitanji?
1. Onani VIDHYU, peno lerini Mabasa 26:2, 3. Buluka penepo onani mibvundzo iyi:
-
Paulu apangiza tani kucepeseka munjira idalonga iye na Mambo Agripa?
-
Kodi Paulu acitanji toera kulonga thangwi ya Yahova na Bhibhlya m’mbuto mwakulonga pya iye ene?—Onani Mabasa 26:22.
Tisapfundzanji na Pidacita Paulu?
2. Anthu asakomerwa kubva mphangwa zathu tingazilonga mwacilemedzo na mwakucepeseka.
Towezerani Paulu
3. Longani mwacilemedzo. Calirani kupangizika ninga musadziwa pyonsene kupiringana anango.
4. Pangizani kuti pinthu pinapfundzisa imwe pyabuluka m’Bhibhlya. M’Mafala a Mulungu musagumanika mphangwa zakuti zisakhuya mitima ya anthu. Tingaaphatisira, tinaphedza anthu toera akhale na cikhulupiro cakuwanga mwakubverana na pinalonga Bhibhlya.
5. Khalani wakukhurudzika. Calirani kupangiza kuti ndzidzi onsene maonero anu ndi adidi. Ife nkhabe kufuna kuketesana na anthu. Khalani wakukhurudzika toera kupangiza kuti ndimwe wakucepeseka, pontho dziwani ndzidzi wakuthema toera kubuluka. (Mis. 17:14; Tito 3:2) Tingakhala akukhurudzika, panango paulendo unango munthu anadzabvesera mphangwa zathu.
