OKURHONDEZA ENGANÎRO
ISOMO LYA 4
Obe Mwirhohye
Akanuni k’Ebibliya: “Ngasi muguma akagerereza n’obwirhohye oku ababo bamulushire.”—Fl. 2:3.
Ebi Paolo Ajijire
1. Olole EVIDEO, erhi osome Ebijiro by’Entumwa 26:2, 3. Enyuma z’aho, orhanye kw’aga madoso gakulikire:
-
Gurhi Paolo ayerekinemwo obwirhohye omu njira aganiragamwo na Mwami Agripa?
-
Gurhi ashumizemwo omumvirhiza wage asegeze obwenge kuli Yehova n’Amandiko ahali h’okubusegeza kuli ye yene?—Olole Ebijiro by’Entumwa 26:22.
Bici Olwiganyo lwa Paolo Lurhuyigirizize?
2. Omwanzi gwirhu gunahume oku mirhima y’abantu bwenene erhi rhuganira omu njira y’obwirhohye na ya bukenge.
Oyige Olwiganyo lwa Paolo
3. Oganire omu njira y’obukenge. Oyake okulonza okuyerekana oku omanyire ngasi kantu, n’oku owundi arhamanyiri kantu koshi-koshi. Oganire naye omu njira y’obukenge.
4. Oyerekane n’obwalagale oku Ebibliya yo nshôko y’emyanzi oli waganirira. Akanwa ka Nnâmahanga kalimwo entanya zihuma oku mirhima y’abantu. Erhi rhukakolesa, rhunabe rhuli rhwayubaka obuyemere bwabo oku musingi gw’okunali.
5. Ogendekere waba mutûdu. Orhagendekeraga walonza okuyerekana oku ebi odesire byo by’okuli. Rhurhaba rhulonzize okuja kadali. Oyerekane obwirhohye omu kuhulika n’okumanya kasanzi kahi wakagenda. (Mig. 17:14; Tt. 3:2) Erhi wakaderha n’obutûdu, nkaba oko kwanarhuma omuntu ayumvirhiza omwanzi gwirhu omu gandi mango.
