FASI FA I SA BIGI FAN KU WAN SËMBË
WOTO 4
Lei taa i abi sakafasi
Mama wëti: „Be i saka i seei da dee otowan fii ta luku de kuma de hei möön i.”—Fil. 2:3.
Andi Paulosu bi du?
1. Luku di FËLÖN, nasö lesi Tjabukama 26:2, 3. Baka di dë, nöö i buta pakisei a dee soni aki:
-
Unfa Paulosu bi lei taa a abi sakafasi, te u luku di fasi fa a bi fan ku Könu Agiipa?
-
Unfa Paulosu bi buta sëmbë pakisei a Jehovah ku di Bëibel, ma na nëën seei?—Luku Tjabukama 26:22.
Andi u ta lei a Paulosu?
2. Sëmbë o kë möön haika di bosikopu di u ta tja, te u fan ku sakafasi, söseei a wan lesipeki fasi.
Djeesi Paulosu
3. Fan a wan lesipeki fasi. Na be sëmbë si kuma i sabi hii soni kaa, nöö di woto sëmbë an sabi na wan soni.
4. Be di sëmbë fusutan gbelingbelin taa a di Bëibel dee soni dee i ta lei kumutu. Di Wöutu u Gadu ta taki u soni di sa dou sëmbë hati. Te u ta tei ën u lei sëmbë soni, hën da u ta tei di soifi soni u heepi de u de ko abi biibi.
5. Na fia ku di sëmbë. Ja musu kë lei nömönömö taa ju hën abi leti. Wa kë buja ku sëmbë. Lei taa i abi sakafasi, u di ja o hopo ligei, söseei u di joo sabi na un ten a dë fanöudu taa i musu disa di fan, nöö i go (Nöng. 17:14; Titusi 3:2). Te i fan a wan saapi fasi ku wan sëmbë, nöö a sa pasa taa a o kë haika di bosikopu fuu bakaten.
