BIGIN WAN TAKMAKANDRA
LES 4
Abi sakafasi
Bijbel e taki: „Abi sakafasi èn si trawan moro hei leki unsrefi.”—Fil. 2:3.
San Paulus du
1. Luku a FELEM, noso leisi Tori fu den apostel 26:2, 3. Baka dati luku den aksi disi:
-
Fa Paulus poti prakseri na Yehovah èn na den Buku fu Bijbel na presi fu poti tumsi furu prakseri na ensrefi?—Luku Tori fu den apostel 26:22.
San wi kan leri fu Paulus?
2. Sma o wani arki a boskopu fu wi te wi e taki na wan saka fasi èn nanga lespeki.
Du leki Paulus
3. Taki nanga lespeki. No gi sma a firi taki yu sabi ala sani èn taki a sma no sabi noti.
4. Meki a sma si taki den sani di yu e leri en, kmoto fu Bijbel. Den sani di skrifi na ini Gado Wortu e naki sma ati. Te wi e gebroiki Bijbel, dan wi e yepi sma fu bribi na ini Gado Wortu.
5. No hartaki. No suku fu sori a sma nomonomo taki yu abi leti. Wi no wani hartaki nanga sma. Sori sakafasi èn no go a hei gi sma, ma sabi o ten a bun fu tapu a takmakandra èn gwe (Odo 17:14; Titus 3:2). Te wi e taki na wan safri fasi, dan kande wan tra leisi a sma o wani arki a boskopu fu wi.
