AITEGEAR EINER
AISISIAET NA 4
Aitasono
Aicoretait: “Kaitasono nginitunganan kitopoloorite aupake.”—Pil. 2:3.
Nuabu Paul Kiswama
1. Kosesen EBIDIO, arai bo kosiom Aswamisio 26:2, 3. Kosodi abongokin aingiseta nuetupakinete:
-
Epone ani abu Paul kitodunia aitasono naenerar ngesi keda Ekabaka Agiripa?
-
Itia ngesi einer nuke bon, epone ani abu Paul kitejenunia nuikamunitos Yawe ka aiwadikaeta?—Koany Aswamisio 26:22.
Anyoika bo Nuisisiauni Oni Kaneejai Paul?
2. Eminakini itunga aipup akirowok arai ilimonokini oni ketodunitos aitasono keda ayongit.
Koputo Paul
3. Kiner kitodunite ayongit. Kosac einer kopone loitodunit bala ijeni jo akiro kere ido ebe itunganan yeniwuta ijo alimonokin, emamei ibore ejeni.
4. Kitodu ebe nuisisianakini ijo eraasi nuelomunitos kotoma Obaibuli. Epedori Akirot Naka Edeke atiror epone loewomoomata itunga ka epone loepupioto kesi. Naitwasama oni Ebaibuli, ingarakini oni itunga adukun apetetait naejok naka aiyuun.
5. Kosalak itasono. Sirikitam ainyikokinit aitodun ebe nukon kes nuedolito. Mam oni ikoto epeget keda itunga. Kitodu aitasono kopone loka asalakinit inapakina ka ajenun ejautene loipudakin ijo anyoun kanen. (Awa. 17:14; Tit. 3:2) Abongokin itunganan kotoma aiyapepera epedori ainakin nges akotokin apupokin akiro nukajokak apaaran ace naedumunere bobo nges.
