U HIIN ILIAM A OR
ITYOUGH 4
Hiden a Iyol Ijime
Kwaghwan: “Hiden nen a iyol ijime, nengen nen mbagenev ner ve hemba ne.”—Fil. 2:3.
Kwagh u Paulu Er Yô
1. Nenge VIDIO ne, gayô ôr Aerenakaa 26:2, 3. Maa time sha mbampin mba ve dondo ne:
-
Paulu yange hide a iyol ijime shighe u lu pasen Tor Agripa kwagh la nena?
-
Paulu wase Agripa u hemban veren ishima sha Yehova kua mkaanem nam nena?—Nenge Aerenakaa 26:22.
Ka Nyi Se Hen ken Ikyav i Paulu Nee?
2. Ka sea hide a iyol ijime sea lam a ior sha icivir yô, loho wase u hemba kôron ve ken ishima.
Dondo Ikyav i Paulu
3. Lamen a ior sha icivir. De eren inja er u fa hanma kwagh, orgen fa kwagh môm ga ze. Gbenda u u lam a nan la u tese icivir.
4. Tese wang wer kwagh u u lu pasen la ka mimi u Bibilo. Mkaanem ma Aôndo ka ma bende a mhen u ior kua gbenda u ve eren kwagh la. Ka sea er tom a Bibilo yô, se wase ior ve hemba nan Mkaanem ma Aôndo jighjigh.
5. Lu ishima legh legh. De sendegh wer saa nana lumun a we ga. Palegh kwaghnyiman. Aluer u lam a or kundu kundu shi u fa shighe u u kar sha yô, a tese ér u hide a iyol ijime. (Anz. 17:14; Titu 3:2) Aluer se lam kundu kundu yô, alaghga nana kegh ato a vese kwagen.
