PAGPAPASIMULA NG PAKIKIPAG-USAP
ARALIN 4
Mapagpakumbaba
Prinsipyo: “Maging mapagpakumbaba at ituring ang iba na nakatataas sa inyo.”—Fil. 2:3.
Ang Ginawa ni Pablo
1. Panoorin ang VIDEO, o basahin ang Gawa 26:2, 3. Pagkatapos, pag-isipan ang sumusunod na mga tanong:
-
Paano naging mapagpakumbaba si Pablo noong kausap niya si Haring Agripa?
-
Ano ang ginawa ni Pablo para mapunta ang atensiyon, hindi sa sarili niya, kundi kay Jehova at sa Kasulatan?—Tingnan ang Gawa 26:22.
Ang Matututuhan Natin kay Pablo
2. Mas magugustuhan ng kausap natin ang ating mensahe kung mapagpakumbaba at magalang natin itong sasabihin.
Tularan si Pablo
3. Huwag maging mayabang. Huwag palabasin na alam mo ang lahat at na walang alam ang kausap mo. Magalang siyang kausapin.
4. Ipakitang sa Bibliya galing ang mga sinasabi mo. Tumatagos sa puso ng mga tao ang Salita ng Diyos. Kapag ginagamit natin ito, magiging matibay ang pundasyon ng pananampalataya nila.
5. Manatiling kalmado. Huwag ipilit na tama ang sinasabi mo. Ayaw nating makipagtalo. Maipapakita nating mapagpakumbaba tayo kung mananatili tayong kalmado at aalis kung kinakailangan. (Kaw. 17:14; Tito 3:2) Kung mahinahon tayong sasagot, baka makinig na siya sa susunod na pagkakataon.
