WOHO WA NTATƐ SAWO L’ONTO
WEKELO 4
Onga l’okitshakitsha
Tɔndɔ: “La okitshakitsha, nyɔshi dia anto akina nyoleka.”—Flp. 2:3.
Kɛnɛ kakasale Pɔɔlɔ
1. Enda VIDƐO kana adia Etsha 26:2, 3. Oma laasɔ, kana yimba lo ambola wayela anɛ:
-
Ngande wakɛnya Pɔɔlɔ okitshakitsha lo woho wakandatɛkɛta la nkumekanga Angripa?
-
Ngande wakakotola Pɔɔlɔ yambalo y’anto le Jehowa kana l’Afundelo koko aha lende ndamɛ?—Enda Etsha 26:22.
Wetshelo akɔna wakondjaso oma le Pɔɔlɔ?
2. Anto ndekaka mpokamɛ losango laso etena kalisambishaso l’okitshakitsha ndo la dilɛmiɛlɔ.
Okoya Pɔɔlɔ
3. Tɛkɛta la dilɛmiɛlɔ. Ewɔ mɛnya dia wɛ mbeyaka dui tshɛ ndo anto akina haweye ndooko ɛngɔ. Tɛkɛta la dilɛmiɛlɔ.
4. Ɛnya hwe di’akambo wa mɛtɛ w’oma lo Bible mbasambishayɛ. Ɔtɛkɛta wa Nzambi wekɔ l’awui wakoka minanda etema w’anto. Etena kakambaso la wɔ, tekɔ lo mbika mbetawɔ k’anto l’ehikamelo ka dimɛna.
5. Onga la memakana. Totshininalake lo dikambo. Towanake l’onto. Kɛnɛmɔla okitshakitsha lo ntshikala ki ndo lo nsɔna wonya wa dimɛna wa mimɔ lale onto. (Tok. 17:14; Tito 3:2) Okadimwelo wa la memakana koka nkimanyiya di’onto ndjetawɔ losango laso mbala kekina.
