MO MUNGAYAMBIYA KUKAMBISKANA NDI ŴANTHU
SAMBIRU 4
Mujengi Akujiyuyuwa
Fundu ya mu Bayibolu: “Mwakujiyuyuwa, muwonengi kuti anyinu atikuluskani.”—Afi. 2:3.
Vo Paulo Wanguchita
1. Woneriyani VIDIYO, pamwenga ŵerengani Machitidu 26:2, 3. Pavuli paki ŵanaŵaniyani mafumbu yanga:
-
Kumbi Paulo wangulongo wuli kuti wenga wakujiyuyuwa pa nyengu yo walongoronga ndi Fumu Agiripa?
-
Kumbi Paulo wanguyiwovya wuli fumu kuti yiŵanaŵaniyi vakukwaskana ndi Yehova ndipuso fundu za M’malemba mumalu mwakuŵanaŵaniya vaku iyu?—Wonani Machitidu 26:22.
Kumbi Tisambiranji Kwaku Paulo?
2. Uthenga widu utiŵafika pamtima ukongwa ŵanthu asani tilongoro nawu mwakujiyuyuwa kweniso mwaulemu.
Muyezgengi Paulo
3. Mulongorongi mwaulemu. Mutenere kuphwere kuti ŵanthu aleki kukuwonani nge muziŵa vosi ndipu yiwu palivi cho aziŵapu. Mwaviyo, mutenere kulongoro nawu mwaulemu.
4. Muŵakonkhoskiyengi mwakuvwika umampha kuti vo musambiza vituliya mu Bayibolu. Mazu Ngaku Chiuta nge ndi fundu zo zitiŵafika pamtima ŵanthu. Ndipu asani titingagwiriskiya ntchitu, titiŵawovya kukholesa chivwanu chawu.
5. Lutirizgani kuja akuzika. Mungangangamiyanga cha kuti vo yimwi mukamba ndivu vauneneska. Tikhumbika cha kupindana nawu. Kuti mulongo kuti mwe akujiyuyuwa mukhumbika kuzikira ndipuso kuziŵa nyengu yakwenere kutuwapu. (Nthanthi 17:14; Tito 3:2) Asani mutiŵamuka mwakuzika ŵanthu, vingawovya kuti zuŵa linyaki azivwisiyi uthenga widu.
