KUTALISYA MUBANDI
CIIYO 4
Kulicesya
Njiisyo: ‘Cakulicesya amubone bamwi kuti balamwiinda.’—Flp. 2:3.
Ncaakacita Paulo
1. Amweebelele VIDIYO, naa kubala Milimo 26:2, 3. Mpoonya mubandike mibuzyo iitobela:
-
Mbuti Paulo mbwaakatondezya kulicesya munzila mbwaakabandika a Mwami Agripa?
-
Mbuti Paulo mbwaakabikkila maano kuli Jehova alimwi aku Magwalo muciindi cakulibikkila maano lwakwe mwini?—Amubone Milimo 26:22.
Ncinzi Ncotwiiya Kuli Paulo?
2. Mulumbe wesu ulabakkomanisya kapati bantu ciindi notuwaamba cakulicesya alimwi acabulemu.
Amumwiiye Paulo
3. Amwaambaule cabulemu. Amweelebe cilengwa cakulitondezya kuti mulizizyi zintu zyoonse alimwi akuti ngomwaambaula limwi kunyina ncazyi. Amwaambaule anguwe cabulemu.
4. Amucisalazye kuti nzyomuyiisya zizwa mu Bbaibbele. Ijwi lya Leza lijisi mizeezo iikonzya kubasika amoyo bantu. Ciindi notulibelesya, tuyumya lusyomo lwabo lwalo luyeeme antalisyo iini-ini.
5. Amuzumanane kubomba moyo. Amutantamuke cilengwa cakulitondezya kuti muliluzi. Tatuyandi kukazyanya pe. Amutondezye kulicesya kwiinda mukubatama alimwi akuzyiba nomweelede kuzwa. (Tus. 17:14; Tit. 3:2) Kwiingula cakukkazika moyo kulakonzya kutupa coolwe cakuyooba amubandi mubotu kumbele.
