KU SUNGULA BULO
DYONDZO 4
Titsongahate
Nsinya wa nawu: “Hi ku titsongahata mi teka van’wana va ri lava tlakukeke eka n’wina.”—Filp. 2:3.
Leswi Pawulo A Swi Endleke
1. Hlalelani VHIDIYO, kumbe mi hlaya Mitirho 26:2, 3. Kutani mi hlamula swivutiso leswi landzelaka:
-
Pawulo u swi kombise njhani leswaku wa titsongahata hi ndlela leyi a vulavuleke hayona na Hosi Agripa?
-
Pawulo u swi kotise ku yini ku dzikisa rungula rakwe eka Yehovha ni le Matsalweni ku nga ri eka yena n’wini?—Vona Mitirho 26:22.
Hi Dyondza Yini Eka Pawulo?
2. Rungula ra hina ri koka rinoko loko hi vulavula hi ku titsongahata ni hi xichavo.
Tekelela Pawulo
3. Vulavula hi ndlela ya xichavo. Papalata ku endla onge u tiva swilo hinkwaswo nileswaku munhu un’wana a nga tivi nchumu. Vulavula na yena hi ndlela ya xichavo.
4. Swi veke erivaleni leswaku leswi u swi dyondzisaka swi huma eBibeleni. Rito ra Xikwembu ri tamele rungula leri khumbaka timbilu ta vanhu. Loko hi ri tirhisa, hi aka ripfumelo ra vona leswaku ri va ni masungulo lamanene.
5. Vana la rhuleke. U nga ringeti ku endla onge u n’wamunene. A hi swi lavi ku phikizana ni vanhu. Titsongahate hi ku tshama u ri la rhuleke ni ku tiva nkarhi lowu u nga ta famba ha wona. (Swiv. 17:14; Tito 3:2) Loko u vulavula hi ndlela ya musa, kumbexana munhu yoloye a nga yingisela rungula ra hina enkarhini lowu taka.
