KAMATAGA O SE SAU‵TALAGA
MATAUPU 4
Loto Maulalo
Fakatakitakiga: “I te loto maulalo mo te manatu me e tāua atu a nisi tino i a koutou.”—Fili. 2:3.
Mea ne Fai ne Paulo
1. Onoono ki te VITIO, io me faitau te Galuega 26:2, 3. Kae mafaufau ki fesili konei mai lalo:
-
a. Ne fakaasi atu pefea ne Paulo a te loto maulalo i te auala ne faipati atu ei a ia ki te Tupu ko Akelipa?
-
e. Ne fakatāua pefea ne Paulo a Ieova mo tusitusiga tapu i lō a ia eiloa?—Onoono ki te Galuega 26:22.
Se a te Mea e Tauloto ne Tatou Mai i a Paulo?
2. E ‵tagi gali te ‵tou fekau mafai e fai atu ne tatou i se auala āva kae loto maulalo.
Fakaakoako ki a Paulo
3. Sa fia poto. Ke ‵kalo keatea mai i te fakafoliga atu me iloa ne koe a mea katoa kae ko te suā tino e seai sena mea e iloa. Faipati ki a ia i se auala āva.
4. Ke fakaasi tonu atu me i muna‵tonu kolā e akoako ne koe ne aumai mai i te Tusi Tapu. E maua i te muna a te Atua a manatu kolā e fai ei ke otia a loto o tino. Kafai e fakaaoga ne tatou, ko ati aka ne tatou te lotou fakatuanaki i luga i te fakavae tonu.
5. Fakatumau te filemu. Ke mo a ma faimalō atu ou manatu. E se ma‵nako tatou o kinau. Fakaasi atu te loto maulalo mai i te nofo filemu mo te iloa ne koe te taimi ke fano koe keatea. (Faata. 17:14; Tito 3:2) Te tali i se leo filemu e mafai o tuku mai ei se avanoaga ke mafai o fai se sau‵talaga aoga i aso fakamuli.