НЫРЫСЕТӤЗЭ ВЕРАСЬКЫКУ
Ап. уж. 26:2, 3
4-ТӤ УРОК
Зӥбыт-востэм лу
Библиысь возет: «Асьтэдыз покчи каре, нош мукетъёссэ асьтэ сярысь умоесьгес шуыса лыдъялэ» (Флп. 2:3).
Мар кариз Павел
1. Учкы ВИДЕОРОЛИКЕЗ яке лыдӟы Апостолъёслэсь ужъёссэс 26:2, 3. Собере малпаськы та юанъёс вылын:
Малы ми дышетскиськомы Павеллэсь?
2. Ми адямиен гажаса вераськимы ке, со милемыз умойгес кылзоз.
Павеллэсь адӟем кар
3. Гажаса вераськы. Адямиен вылтӥяськыса эн вераськы. Эн малпа, тон ваньзэ тодӥськод, нош адями номыре но уг тоды шуыса.
4. Возьматы, тон Библиысь малпанъёсты вераськод шуыса. Библиысь кылъёс адямилэн сюлмаз пырыны быгато. Инмарлэсь Кылзэ ӵемгес усьяд ке, адямилэн солы осконэз будоз.
5. Лякытэн вераськы. Адями тонэн соглаш ӧвӧл ке, эн споръяськы соин. Астэ котьку но кияд возь но эн вунэты: куддыръя умойгес луоз вераськемысь дугдыны но кошкыны. Озьы тон зӥбыт-востэм луэмдэ возьматод (Мад. 17:14; Тит. 3:2). Ми адямиен лякытэн вераськимы ке, оло нош, мукет дыръя со милемыз кылзоз.
ОЗЬЫ ИК УЧКЫ
Рим. 12:16—18; 1 Кор. 8:1; 2 Кор. 3:5
