СӨҺБӘТ БАШЛАШ
4-ДӘРИС
Кәмтәрлик
Принцип: «Кәмтәрлик билән башқиларни өзүңлардин жуқури көрүңлар» (Флп. 2:3, ЙД).
Әлчи Паул немә қилған?
1. ВИДЕОНИ көрүң яки Әлчиләр 26:2, 3ни оқуң, кейин төвәндики соалларға җавап бериң:
-
a. Әлчи Паул падиша Агрипа билән сөзләшкәндә, кәмтәрликни қандақ көрсәткән?
-
ә. Әлчи Паул башқиларниң диққитини өзигә әмәс, Йәһва Худаға вә Муқәддәс Язмиларға қаритиш үчүн немә қилған? (Әлч. 26:22гә қараң.)
Паулдин немини үгинимиз?
2. Әгәр кәмтәрлик вә һөрмәт билән сөзлисәк, кишиләр йәткүзүватқан хәвиримизни тиңшашқа техиму қизиқиши мүмкин.
Паулни үлгә қилиш
3. Һөрмәт көрситиш. Кишини өзүмиз һәммини билидиған, башқилар болса, һечнемини билмәйдиғандәк һис-туйғуға кәлтүрүп қоюштин сақлиниң. Башқилар билән параңлашқанда, һөрмәт көрситиң.
4. Һәқиқәтләрниң мәнбәси Муқәддәс китап екәнлигини ениқ көрситиш. Худа Сөзи кишиләрниң ой-пикирлиригә вә һис-туйғулириға чоңқур тәсир қилалайду. Әгәр биз Муқәддәс китапни ишләтсәк, кишиләрниң иман-етиқадини тоғра һул-асас үстидә тикләп турғузимиз.
5. Кәмтәрликни сақлаш. Өзүмниң тоғра дәп чиң турувалмаң. Биз талаш-тартиш қилишни халимаймиз. Тинч-хатирҗәмликни сақлаш вә қачан кетишни билиш арқилиқ кәмтәрликни көрситиң (Пәнд н. 17:14; Тит. 3:2). Кәмтәрлик билән җавап қайтурсақ, киши башқа вақитта биз билән параңлишишқа мақул болуши мүмкин.
