U THOMA NYAMBEDZANO
NGUDO 4
Ni Ḓiṱukufhadze
Vhulivhisi: “Ni ḓiṱukufhadze ni dzhie vhaṅwe vhe vhahulwane kha inwi.”—Vhafil. 2:3.
Zwe Paulo A Zwi Ita
1. Ṱalelani VIDIO, kana ni vhale Mishumo 26:2, 3. Nga murahu ni fhindule mbudziso dzi tevhelaho:
-
Paulo o sumbedza hani u ḓiṱukufhadza kha nḓila ye a amba ngayo na Khosi Agripa?
-
Paulo o livhisa hani ṱhogomelo kha Yehova na Maṅwalo hu si kha ene muṋe?—Sedzani Mishumo 26:22.
Ri Guda Mini Kha Paulo?
2. Mulaedza washu u ḓo kunga arali ri tshi u amba nga u ḓiṱukufhadza na nga ṱhonifho.
Edzisani Paulo
3. Ambani nga ṱhonifho. Iledzani u sumbedza u nga ni ḓivha zwithu zwoṱhe na uri muṅwe muthu ha ḓivhi tshithu.
4. Bviselani khagala uri zwine na zwi funza zwi bva Bivhilini. Ipfi ḽa Mudzimu ḽi nga kwama nḓila ine vhathu vha humbula na u ḓipfa ngayo. Musi ri tshi ḽi shumisa, ri vha ri tshi khou ita uri vhathu vha vhe na lutendo lwo thewaho kha mutheo wavhuḓi.
5. Dzulani no dzika. Ni songo kombetshedza muthu uri a tende uri zwine na khou zwi amba ndi ngoho. A ri ṱoḓi u ṱaṱa khani. Sumbedzani u ḓiṱukufhadza nga u dzula no dzika na u ḓivha tshifhinga tsho teaho tsha u ṱuwa. (Mir. 17:14; Tito 3:2) Arali na amba no dzika, khamusi onoyo muthu u ḓo ṱoḓa u thetshelesa mulaedza washu ḽiṅwe ḓuvha.
