HAASAYISSIYOGAA DOOMMIYOGAA
TIMIRTTE 4
Ashkketettaa
Geeshsha Maxaafaa Maaraa: “Issoi issuwaappe gitatais yaagidi qoppennan, issoi issuwaayyo intte huuphiyaa kaushshite.”—Pili. 2:3.
Phawuloosi Oottidobaa
1. BIIDUWA beˈa, woy Oosuwaa 26:2, 3 nabbaba. Yaatada, kaallidi deˈiya oyshata akeeka:
-
Phawuloosi Kawuwa Agriiphphawu markkattiyo wode ashkketettaa waati bessidee?
-
Phawuloosi harati babaa gidennan, Yihoowabaanne Geeshsha Maxaafaabaa qoppanaadan waati oottidee?—Oosuwaa 26:22 xeella.
Phawuloosappe Ay Tamaariyoo?
2. Nuuni ashkketettaaninne bonchchuwan haasayissikko, asay nu yootiyo mishiraachchuwa ufayttidi siyana danddayees.
Phawuloosa Milata
3. Bonchchuwan haasayissa. Neeni ubbabaa eriyabadaaninne ne haasayissiyo uri aybanne erennabadan qoppoppa.
4. Neeni tamaarissiyobay Geeshsha Maxaafan deˈiyaba gidiyogaa qonccissa. Xoossaa Qaalan asaa wozanaa denttettiya qofay deˈees. Nuuni Xoossaa Qaalaappe tamaarissiyo wode, eta ammanoy minnanaadan oottoos.
5. Ubbatoo ashkke gida. Ne yootiyobay tuma gidiyogaa qonccissanawu bessiyagaappe aaruwan baaxetoppa. Nuuni palamettanawu koyokko. Woppu giyogaaninne he heeraappe aggidi baana koshshiyoy awudekko eriyogan, ashkke gidiyogaa bessa. (Leemiso 17:14; Tiitu 3:2) Liiqo qaalan haasayiyogee he uri hara wode mishiraachchuwa siyanaadan maaddana danddayees.
