ᲩᲘᲔᲑᲐᲨ ᲓᲝᲭᲧᲐᲤᲐ
(საქმეები 26:2, 3)
ᲒᲐᲙᲕᲔᲗᲘᲚ 4
თანდაბლობა
პრინციპ ბიბლიაშე: „რდათ თანდაბალეფ დო შხვეფ თქვან დუდშე უჯგუშეფო მირჩქინით“ (ფილ. 2:3).
პავლეშ მაგალით
1. ქუჯინ ᲕᲘᲓᲔᲝᲡ, ვარდა წეკითხ საქმეეფიშ 26:2, 3. უკულ დეფიქრ თუდო მოჩამილ კითხვეფშე:
მუშ გურაფა შეილებ პავლეშე?
2. სახიოლო ამბეს უჯგუშო ქიმირჩქილუანა, მუჟამსით თის თანდაბლურო დო პატიცემათ გეგნოჩანქ.
მიაჸუნ პავლეშ მაგალითის
3. იჩი პატიცემათ. ქეცად, თეშ ვეგშაირთას, ნამდა სი ირფელ გიჩქჷ დო მიდგას ეჩიებუქინ თის — მუთუნ ვარ. პატიცემათ ეჩი პიროვნებას.
4. ქაძირე მარჩქილეს, ნამდა მუდგას იჩიებუქინ, ბიბლიაშა რე გერსხილ. ღორონთიშ სიტყვეფს შეულებ შეხუას ხალხიშ გურს. ათეშენ, თიშ გიმორნაფათ მარჩქილეშ რწმენას ჯგირ საძირკველშა გივორსხუანთ.
5. ვადინუა სიმშვიდე. ვეცადა ირო თიშ დამტკიცებას, ნამდა მართალ რექ. ჩქი ვა მოკონა, მითინს ვენირზათ. თანდაბლობა გეგმირჩქინ თით, ნამდა ვადინუა სიმშვიდე დო ქიდიტე თექიანობა, მუჟამსით სიტუაცია თეს ითხინს (იგავ. 17:14; ტიტ. 3:2). მშვიდ პასუხიქ შილებე პიროვნებას შხვა დროს მორჩქილაფაშ სურვილ გურჩქინას.
ᲥᲝᲫᲘᲠ ᲗᲔ ᲛᲣᲮᲚᲔᲤ ᲮᲝᲚᲝ
(რომ. 12:16—18; 1 კორ. 8:1; 2 კორ. 3:5)
