KUTANDA KUŴECHETANA NI MUNDU
LIJIGANYO 4
Aŵeje Ŵakulinandiya
Lilemba: “Mŵeje ŵakulinandiya soni mwawoneje ŵane kuŵa ŵakumpunda.”—Afil. 2:3.
Yaŵatesile Paulo
1. Alolele FIDIYO, kapena aŵalanje Masengo 26:2, 3. Kaneko ajanje yiwusyo ayi:
-
Ana Paulo jwalosisye chamtuli kuti jwaliji jwakulinandiya pajwaŵechetanaga ni Mwenye Agilipa?
-
Ana Paulo jwatesile yamtuli pakusaka kuti Mwenye Agilipa aganichisyeje ya Yehofa soni Malemba mmalo mwakuti aganichisyeje ya Paulojo?—Alole Masengo 26:22.
Ana Yaŵatesile Paulo Yikutujiganya Chichi?
2. Utenga wetu mpaka wayiche ŵandu pamtima naga tukuŵechetana nawo mwakulinandiya soni mwakulosya kuti tukwachimbichisya.
Amsyasyeje Paulo
3. Yakuŵecheta yawo yilosyeje kuti akwachimbichisya ŵandu. Pakuŵechetana ni mundu aŵambaleje kulilosya kuti wawojo akumanyilila chilichose soni kuti mundujo pangali chakumanyilila. Aŵechetaneje najo mwakulosya kuti akumchimbichisya.
4. Ŵandu amanyilileje kuti yakwiganya yikutyochela m’Baibulo. Maloŵe ga Mlungu mpaka gachenje kaganisye ka mundu. Myoyo, naga tukugakamulichisya masengo patukwajiganya ŵandu nikuti tuchakamuchisya kuti agakulupilileje mnope. Sonitu jemanjaji ngasagamba kujigalika ni mwatukuŵechetela m’weji.
5. Aŵeje ŵakufasa. Akalimbanaga ni mundu pakusaka kumlosya kuti yakuŵecheta wawojo yili yisyesyene. Atendeje yindu mwakulinandiya soni aŵeje ŵakuwusimana mtima kwineku ali mkuganichisya yampaka atende kuti atyoche pamalopo. (Mis. 17:14; Tit. 3:2) Kwanga mwakufasa kuchikamuchisya kuti ulendo wine chaŵechetanesoni ni mundujo.
