TONA DISOLO
DILONGI 4
Kukikitisa
Tsikudukusu: “Mu kukikulula, bika kadika mutu kayindula ti niandi kasi mfunu ko; wunkaka wunlutidi.”—Flp. 2:3.
Diambu mbi Polo kavanga
1. Tala VIDEO, voti tanga Mavanga 26:2, 3. Ayi tadilano biuvu biabi bilandikini:
-
Bue Polo kamonisina kadulu ki kukikitisa thangu kabe solula ayi Ntinu Agripa?
-
Bue Polo kabe tombilanga ti bayayisa dizina di Yehova ayi batadila Bibila vayi bika niandi veka?—Tala Mavanga 26:22.
Dilongi mbi tubeki kuidi Polo?
2. Kukikitisa ayi luzitu lueto biela tula ti batu bakikinina nsamu wo tulembo basamunina ayi bawumona kitoko.
Sokudila Polo
3. Kadi ba lunangu. Manga monisa kuidi batu ti ngeyo zebi mambu mamoso ayi batu bankaka basi zaba ko kadi kima. Tubilanga mu luzitu.
4. Monisa kuidi batu ti Bibila kidi tho yi kiedika yo wulembo samuna. Mbembo Nzambi muawu muidi mayindu mo meta simba mintima mi batu. Mu thangu tulembo yisadila, minu kiawu kiela ba kitungu mu fondasio yi siama.
5. Ba mutu wu ntima wulembama. Kadi kuika batu dibanza dimosi. Tubika tulanga ziphaka. Monisa kukikitisa mu taninanga ndembama ayi zaba thangu yo wufueti kuvabotukila. (Zin. 17:14; Tito 3:2) Enati veni mvutu wulembama yela tula ti wubaka diluaku di solula ayi mutu beni lumbu kinkaka.
