BIZULÚ GUNIʼNÉ BINNI
LECCIÓN 4
Guca humilde
Principiu stiʼ Biblia: «Lagusihuinni humilde laatu ora guiníʼ íquetu jma risaca xcaadxi que laatu» (Filip. 2:3).
Ni biʼniʼ Pablo
1. Biiyaʼ VIDEU RIʼ o biindaʼ Hechos 26:2, 3. Despué guníʼ ique ni ná ca pregunta riʼ:
-
¿Ximodo bisihuinni Pablo humilde laa pur modo guniʼné rey Agripa?
-
¿Ximodo bisisaca Pablo Jehová ne Stiidxaʼ Dios, ne cadi laca laa? (Biiyaʼ ni ná Hechos 26:22).
¿Xi rusiidiʼ ejemplu stiʼ Pablo laanu?
2. Pa gácanu humilde ne guininu né respetu, zándaca jma zaná binni gucaadiaga laanu.
Yenanda ejemplu stiʼ Pablo
3. Cadi gudxiibaluʼ laca lii. Cadi gucaaluʼ binni guni sentir lii nga nánnaluʼ stale cosa ne laabe qué gánnabe gastiʼ. Guníʼ né respetu.
4. Bisihuinni ni ná Biblia nga cusiidiluʼ. Zanda chindá Stiidxaʼ Dios ndaaniʼ ladxidóʼ binni. Ora guxhélenu Biblia ne iquíʼñenu ni, racanenu binni gaca fe stiʼ jma naguidxi.
5. Guca nadóʼ. Cadi guicaluʼ tema lii nga nápaluʼ razón. Qué racaláʼdxinu tinde diidxanu. Pa humilde lii la? qué zadxiichiluʼ nagueenda ne zudiiluʼ cuenta pa maʼ naquiiñeʼ cheluʼ (Prov. 17:14; Tito 3:2). Pa gácaluʼ nachaʼhuiʼ ne guicábiluʼ né diidxaʼ nadóʼ, zaná binni gucaadiaga lii sti biaje tídiluʼ.
