OMHIIGHOM OGHAẠPH
ESI ITUUGHẠ PHỌ 5
Oḍighinhom Amagheel
Aḍinhị-olhogh: “Oghaạph phọ anyina adụgh ghan.”—Kol. 4:6.
Idị APọl Aḍighi
1. Pogh VIDIO phọ, obobọ bạl Iiḍighi 17:22, 23. Kụ aaḅeghiọn sipuru phọ edaphạn bọ siẹn:
-
(1) Irọl ika esi aPọl omhiịn mọ awe phọ Atẹns rooḅereghị ghan ikaaghinheẹn araraạr?—Miịn Iiḍ. 17:16.
-
(2) Ika kụ idị aPọl aḍighinhom magheel mem mọ odị rakaạph bọ oghaạph iiḅi iinhaghạn phọ kaḅenhị we phọ Atẹns?
Ipẹ APọl Aḍighi Bọ Itughemhị Iyira Eeghe?
2. Awe kowạ ni onhaghạn oghaạph phọ mem dị yira omiigha loor kụ oselẹ ikpo onhụ phọ ayira, kụ oḅilhẹ omhaạr ophogh eten phọ epẹ yira kokaạph bọ r’amem dị yira kokaạph.
Tuughaạny Pọl
3. Miigha loor kụ aselẹ ikpo onhụ phọ anạ. Esi omaạm, eḍighi maạr dị nạ raḅaanhaạn oye dị u/legheri raraạr phọ aKristẹn omheeraam bọ, kewạ ni mọ nme eten phọ epẹ nạ rakaạph ghan bọ kaghol esi aBaibul obobọ ipẹ nạ kakaạph bọ ilọ aZizọs.
4. Kaa/gborion iboom oolemhi aḍiitughiạn oye phọ. Meera oye phọ aghaạph ipẹ edi bọ olhoghi phọ odị. Eḍighi maạr dị oye phọ aghaạph iyaạr dị egbạgh ipẹ aBaibul phọ ratughemhị bọ, kaa/gbakiạn r’oye phọ. (Jems 1:19) Mem dị nạ alher rurụ angọ nyodị kụ edị nạ kalegheri omheeraam odị ḅilhẹ r’iyaạr phọ eḍighi bọ kụ odị amheeraam bọ ipẹ phọ.—Prov. 20:5.
5. Sẹph ghan ni oye phọ torobọ amem dị aghaạph iyaạr dị eḍighi elhiom. Odị atue ni ameeraam mọ ipẹ ekụ iiḅereghị phọ odị otughemhị bọ nyodị kụ igey phọ. Kparaghạ omhiighom oghaạph phọ iyaạr dị odị amheeraam aani, kụ enụm enụm alhoghonhaạn nyodị ḍighaạgh onhaghanhạn ipẹ edi bọ siphẹ aBaibul phọ.
