IBEBENE UKPATU
INU NKWEEN̄ 5
Jeen̄ Ulibi
Onineen̄ Baibul: “Ìkisa ida ònwọnwọn, mè ata otu eyi òkibele ebi ene ejit, ìtumu ikọ mgbọ geelek.”—Kọl 4:6.
Inu Pọọlu Orọbe
1. Kpọ FIDIO yi, mè iyaka ire fuk Ikwaan̄ 17:22, 23. Mè fọọk idodo chi ogọgọọk:
-
Ike owa ke ataak ntọbọ-ebum Pọọlu omun̄be me Atens okup me lek kan̄?—Kpọ Ikwaan̄ 17:16.
-
Kpan̄asi itutumu ebi ama Atens ifiat, ike owa ke Pọọlu osa me ulibi isa inu ema echieekbe me lek ikpa ata etip inyi ema?
Keke Ke Eji Ekween̄ Inan̄a Me Lek Pọọlu?
2. Ebi ene mema igbagban̄ eji ire eji isa me ugbalachieen̄ igobo inu eji ebetumu melek mgbọ mè ubọk eji ebesa itumu.
Gọọk Akpat Ukot Pọọlu
3. Gobo usem obokiriki ene ulọk. Kubọk inu njeen̄, ire okitumu usem melek ogwu ikamalek iriọọn̄ mkpọ ofolek Karais, moweek ibe onwene ubọk okisa Baibul irọ mkpọ mè iyaka ire ubọk okisa itumu mkpọ ofolek Jisọs.
4. Kagwat lek ikiweek ikekineen̄ ene isun̄. Tele ibe ene ya ikpa nkeek kan̄ isibi. Ire itumu mkpọ ikatatge me lek inu Baibul okijeen̄, jit igọgọọk ọmọ ikigbini. (Jemis 1:19) Sa me igbagban̄ ọmọ, omokọt iniriọọn̄ inu ichieekbe me lek mè inu orọrọ ichieekbe ikeya.—Urọk 20:5.
5. Chieek me lek inu ikitumu mè tọn̄ ọmọ ire ifet. Usini mgbọ ira ichieek me ijọn̄ ijọn̄ ejit kan̄ ibe ke inu uwu uriaak kan̄ okijeen̄ itat. Dasi bene me lek mkpọ enyi ene iba echieekbe me lek, mè tap ubọk nyi ọmọ sọnja sọnja ibe inigobo itet inu Baibul okijeen̄.
